Líkir aðgerðum við þjóðernishreinsanir

Gela Bezhuasvhili, utanríkisráðherra Georgíu, segir að framganga Rússa undanfarna daga gegn Georgíu jaðri við þjóðernishreinsanir. 132 Georgíumenn hafa verið reknir frá Rússlandi undanfarna daga og járnbrautar- og póstleiðum á milli landanna hefur verið lokað. Það er sagt koma sér afar illa fyrir fjölda Georgíumanna sem reiða sig á peningasendingar frá ættingjum sínum í Rússlandi. Samskipti landanna hafa sjaldan verið svo slæm en upphaf deilunnar má rekja til þess að georgísk stjórnvöld handtóku fjóra Rússa vegna gruns um njósnir.