Þjóðaratkvæði um vafamál

Mahmoud Abbas, forseti Palestínumanna, segir að svo geti farið að hann boði til þjóðaratkvæðagreiðslna um ákvarðanir sem hann taki í tengslum við framtíð heimastjórnar Palestínumanna sem skipuð er Hamas-liðum. Ef stjórnarskrá taki ekki á tilteknum máli ætli hann að leita álits almennings. Þetta kom fram á fundi forsetans með blaðamönnum í dag.

Grunnlög Palestínumanna virka sem stjórnarskrá og heimila forsetanum að reka ríkisstjórnina. Ekki er þó tiltekið þar hvort honum leyfist að boða til kosninga fyrr en ráð er gert fyrir.