Margir karlar sektaðir fyrir að tala í farsíma við akstur

Lögreglan í Reykjavík telur sig hafa sýnt fram á það að karlar tali mikið í síma ekki síður en konur. Í frétt á vef lögreglunnar kemur fram að við umferðareftirlit í Reykjavík í gær hafi á annan tug ökumanna verði stöðvaður þar sem hann talaði í farsíma án þess að nota handfrjálsan búnað. Stærstur hluti þeirra, eða liðlega 90 prósent, voru karlmenn.

Þá var á annan tug ökumanna tekinn fyrir að aka gegn rauðu ljósi en þar voru konur í meirihluta, tæplega 60 prósent. Athygli vekur að það voru einkum konur yngri en 30 ára sem þar áttu hlut að máli, segir á vef lögreglunnar.