Ehud Olmert, forsætisráðherra Ísraels, sagði í dag að árásin sem gerð var á Gaza svæðið í gær, hefði verið tæknileg mistök hjá stórskotaliðinu. Átján óbreyttir borgarar féllu í árásinni, þar á meðal mörg börn.
Olmert sagði að hann hefði persónulega kannað málið og komist að því að þetta hefði verið tæknigalli. Það sé ekki stefna Ísraels að gera slíkar árásir á óbreytta borgara. Olmert kvaðst harma mjög þessi mistök.
