Batt sleða við bíl og dró félaga sinn

Lögreglan í Reykjavík hafði afskipti af tveimur piltum, 16 og 17 ára, í einu úthverfa borgarinnar í gærkvöld sem bundið höfðu sleða við bíl eldri piltsins sem ók síðan með þann yngri í eftirdragi á sleðanum. Þeim var gert að hætta þessari iðju tafarlaust og jafnframt bent á hættuna sem þessu fylgdi. Fram kemur á vef lögreglunnar að henni hafi borist ábendingar um börn sem voru að leik í snjó nærri eða við umferðargötur. Af því tilefni biður lögreglan foreldra um að brýna fyrir börnum sínum að leika sér á öruggum svæðum.