Draumurinn rættist í dag

Logi Geirsson átti góðan leik í gær og var í skýjunum eftir sigurinn gegn Serbum.

„Ég hef oft verið hamingjusamur en aldrei eins og í dag. Í dag rættist draumur hjá mér en ég hef átt í vandræðum með að undirbúa mig andlega fyrir leikinn. En ég er núna búinn að fatta hvað er að. Ég er að spila í rangri deild, ég ætti að spila alltaf fyrir íslenska áhorfendur til að koma mér á rétta braut. Þetta er því yndislegt og á ekki til orð til að lýsa þessu betur. Ég elska að spila svona leiki og þess vegna er ég í handbolta."