Grunuð um aðild að hvarfinu

Lögreglan á Spáni handtók í gær ítalskan mann og portúgalska konu, sem talin eru tengjast máli Madeleine McCann, fjögurra ára breskrar stúlku, sem hvarf sporlaust í Portúgal fyrir tæpum tveimur mánuðum.

Ekki er vitað hvort þau handteknu hafi átt þátt í hvarfi stúlkunnar. Spænsk fréttastofa hélt því fram að maðurinn hafi reynt að kúga fé út úr foreldrum stúlkunnar í skiptum fyrir upplýsingar.

Fjöldi ábendinga hefur borist lögreglu undanfarna mánuði, en enginn hefur verið handtekinn fyrr en nú.