Gögn um listir á Artprice

Veffyrirtækið Artprice og hagsmunasamtök myndréttarhafa ADAGP hafa gengið frá samkomulagi sín á milli um gjald fyrir birtingu mynda af listaverkum á vefsíðu Artprice. Artprice heldur úti vefsíðum á fimm tungumálum þar sem myndlist gengur kaupum og sölum.

Birt er mynd af verki og nú hefur ADAGP náð að knýja fram greiðslur til myndlistarmannanna fyrir birtingu á verkinu í auglýsingu fyrir þriðja aðila.

ADAGP var sett á fót 1953 og fer með rétt 48.000 myndlistarmanna. Það starfar gegnum systursamtök sín og safnar réttindagreiðslu í 43 þjóðlöndum.

Artprice er leiðandi fyrirtæki í dreifingu upplýsinga um vefsíður um viðskipti með myndlist: frá 1997 hefur fyrirtækið skráð uppboð á 2.900 uppboðshúsum um heim allan. Í gagnageymslum sínum geymir Artprice myndir af 290.000 uppboðsgripum frá 1700 til okkar daga og um 25 milljón sölum frá þessu tímabili. Sá galli hefur verið á gjöf Njarðar að fyrirtækið hefur ekki mátt birta myndir af verkum nema í litlum mæli en nú verða breytingar á: nú geta viðskiptamenn Artprice séð myndir af verkum 370.000 listamanna úr myndsafni sínu. Artprice getur þannig þjónað þeim 45 milljónum listunnenda sem taldir eru leita á vef fyrirtækisins að staðaldri úr öllum heiminum.