Fínn Hannes

Hannes Hólmsteinn Gissurarson, prófessor í stjórnmálafræði við Háskóla Íslands, átti góðan sprett sem hann sjálfur í Næturvaktinni á Stöð 2 á sunnudag. Í þættinum úthúðaði samfélagsfirrti bensínstöðvarstjórinn Hannesi og hrósaði sjálfum sér fyrir fimm háskólagráður á móti þeim tveimur sem Hannes hampar. Hannes mætti ásamt Kjartani Gunnarssyni, fyrrverandi framkvæmdastjóra Sjálfstæðisflokksins, á fund um vaxtamun á mánudag. Greinilegt var að nokkrir viðstaddra fylgdust grannt með Næturvaktinni enda var Hannesi hampað fyrir leiksigurinn. Kjartan hafði á orði að auðvitað hefði Hannes verið góður sem hann sjálfur. Annað hefði jú verið svolítið klúður.