Margrét býður sig fram til varaformanns

Margrét Sverrisdóttir tilkynnti í gærkvöldi að hún gæfi kost á sér í embætti varaformanns Frjálslynda flokksins. Kosið verður í forystusveit flokksins á landsþingi 27. janúar næstkomandi og þá væntanlega á milli hennar og Magnúsar Þórs Hafsteinssonar, sitjandi varaformanns, sem vill halda þeirri stöðu.

Hún segist ekki telja að það þjóni hagsmunum flokksins að hún bjóði sig fram gegn sitjandi formanni. Margrét sækist einnig eftir því að leiða lista flokksins í Reykjavíkurkjördæmi suður.