Innlent

Elton John á Íslandi

Einkaþota breska tónlistarmannsins Eltons Johns lenti á Reykjavíkurflugvelli nú fyrir stundu. Stórstjarnan er hingað komin til að leika í afmæli Ólafs Ólafssonar, stjórnarformanns Samskipa, sem haldið verður í frystigeymslu fyrirtækisins í kvöld.

Vél Elton Johns lenti á Reykjavíkurflugvelli stundvíslega klukkan hálfsex en eftir því sem næst verður komist lét hann flytja flygil sinn hingað til lands nokkru áður. Þessi heimsfrægi tónlistarmaður verður meðal skemmtikrafta í fimmtugsafmælisveislu Ólafs Ólafssonar, stjórnarfomanns Samskipa, sem haldin verður í Ísheimum frystigeymslu Samskipa við Vogabakka, samkvæmt heimildum sem Stöð 2 telur áreiðanlegar. Að því er fram kemur í Fréttablaðinu í dag er talið að kappinn fái litlar 70 milljónir króna greiddar fyrir flutninginn á nokkrum af sínum bestu lögum. Elton stendur í stórræðum þessa dagana því gær lék hann á tónleikum í tilefni sextugsafmælis síns sem er þann tuttugasta og fimmta mars næst komandi. Miðarnir á þá tónleika kostuðu jafnvirði 26.000 íslenskra króna svo ljóst er að vel er gert við þá gesti sem er boðið í veisluna hjá Ólafi í kvöld.

Fréttir Innlent

Mest lesið


Fleiri fréttir

Sjá meira


×

Mest lesið