Vígamenn hliðhollir Hamas samtökunum rændu í kvöld yfirmanni öryggissveita Mahmoud Abbas, forseta heimastjórnar Palestínumanna. Talsmaður palestínskra öryggissveita skýrði frá þessu í kvöld. Maðurinn sem var rænt heitir Sayyed Shabban og var yfir öryggissveitum á Gaza.
Hann er háttsettasti einstaklingurinn sem rænt hefur verið í þessari öldu ofbeldis og mannrána á milli fylkinga Hamas og Fatah hreyfinganna.
