Slóveni á sextugsaldri ætlar að reyna óvanalegt uppátæki. Hann ætlar fyrstur manna að synda upp eftir öllu Amasón-fljótinu, 5400 kílómetra. Maðurinn, sem heitir Martin Strel, hóf ferðina í fyrradag og ætlar að vera kominn á leiðarenda eftir 70 daga.
Hann er ekki óvanur slíkum sundferðum, hann synti upp eftir Dóná árið 2000 og hefur síðan synt bæði í Mississippi og Yangtze í Kína. Amasón er þó frábrugðin hinum ánum að því leytinu til að þar er fjölbreytt dýralíf, krókódílar, höfrungar, skordýr og mannætufiskar.
