17 ára egypsk stúlka lést í dag af völdum fuglaflensu, eða H5N1 vírusins. Hún er tólfti Egyptinn sem lætur lífið af völdum hennar. Þetta kom fram í fréttum frá ríkisfréttastöð Egyptalands í dag.
Stúlkan hét Nouri Nadi og bjó í Fayyoum héraði suður af höfuðborg landsins. Embættismaður Alþjóðaheilbrigðisstofnunarinnar í Egyptalandi staðfesti rétt í þessu að stúlkan hefði látist úr fuglaflensu.
