Elle lifir skírlífi

Hún er falleg, farsæl og viðurnefni hennar - líkaminn - á sannarlega vel við. En það virðist ekki hjálpa Elle Macpherson að finna ástina. Í viðtali við Esquire tímaritið sagði hún að fyrir utan stutt ástarævintýri síðasta sumar hafi hún verið einhleyp og lifað skírlífi síðustu tvö ár. "Menn reyna bara ekki við mig. Hversu glatað er það?"

Sá orðrómur hefur verið uppi að Elle hafi átt í ástarsambandi við leikarann Ray Feron. Hún neitar því í viðtalinu og segist ekki einu sinni þekkja suma mennina sem hún er sögð eiga vingott við.

Þá segist hún vera vonlaus daðrari. Hún eigi að baki fjölda árangurslausra tilrauna;

"Ég labba kannski upp að manni og segi að mér finnist hann fallegur - það virkar ekki."