Tekinn fyrir of hraðan akstur í reynsluakstri

Einn bílstjóri var tekinn fyrir of hraðan akstur við gatnamót Vesturlandsvegs og Suðurlandsvegs klukkan sex í kvöld. Hann var að reynsluaka nýjum Volvo C30 og svo virðist sem hann hafi gleymt sér aðeins. Lögregla mældi hann á 135 kílómetra hraða á klukkustund en hámarkshraði þar sem hann var tekinn var 80 kílómetra hraði. Ökumaðurinn má búast við hárri sekt og hugsanlegri tímabundinni sviptingu ökuleyfis.

Eldur kviknaði í bílskúr í Grafarvogi í kvöld. Tilkynning barst slökkviliðinu klukkan 22:18 og kom það fljótt á staðinn. Eldurinn var töluverður og var bíll inni í bílskúrnum. Slökkvistarf gekk þó greiðlega fyrir sig og aðeins tók um 12 mínútur að slökkva eldinn.