Tólf mánuðir fyrir kynferðisbrot

Hæstiréttur staðfesti í dag 12 mánaða fangelsisdóm úr Héraðsdómi Reykjavíkur yfir karlmanni fyrir kynferðisbrot gegn tíu ára gamalli systurdóttur hans. Framburður stúlkunnar var lagður til grundvallar dómnum ásamt vottorðum lækna og framburði móður stúlkunnar.

Í læknisvottorðum kemur fram að áverkar hafi verið á meyjarhafti stúlkunnar. Atburðurinn hafði mikil áhrif á barnið og hún þjáðist af svefntruflunum og sjálfsmeiðingum, en að mati heimilislæknisins er það yfirleitt merki um mjög slæma andlega líðan.

Manninum var gert að greiða sakar-og málsvarnarlaun og 500 þúsund krónur í miskabætur til stúlkunnar.