Jóhanna kvaddi X-Factor

Hin sænskættaða Jóhanna kvaddi X-Factor í gærkvöldi eftir að niðurstöður símakosningar sendu hana og sönghópinn Gís í tvö neðstu sætin. Það kom í hlut Einars Bárðasonar að ákveða hvort atriðið yrði sent heim og valdi hann Jóhönnu þar sem hann taldi að Gís hefði meira fram að færa í keppnina.

Fagmennska Einars kom í veg fyrir að hann nýtti gullið tækifæri til að hefna sín en um síðustu helgi sendi Ellý einn af keppendum hans heim, Einari til mikillar gremju og var það einmitt sönghópurinn Gís sem fékk annað tækifæri þá.