Radmanovic laug til um meiðsli

Vladimir Radmanovic, framherji LA Lakers, sagði ósatt þegar hann útskýrði fyrir forráðamönnum félagsins hvernig hann hefði hlotið axlarmeiðslin sem hann varð fyrir um síðustu helgi. Radmanovic sagðist hafa dottið en sannleikurinn er að hann datt á snjóbretti. Hann verður frá í tvo mánuði og má búast við sekt frá félaginu fyrir uppátækið.

“Mér líður ömurlega vegna þessa. Ég brást liðsfélögum mínum og gat ekki haldið þessu leyndu. Þess vegna ákveð ég að stíga fram og segja sannleikann. Mig langar ekki að vera þekktur sem lygari,” sagði Radmanovic við fréttamenn ytra, en hann bað þjálfarann Phil Jackson afsökunar á athæfi sínu.

Að sögn Jackson er ekki búið að ákveða hver refsing Radmanovic verður, en þó er ljóst að framkoma leikmannsins flokkast undir að vera brot á samningi hans við félagið. “Það eru nokkrar tegundir íþrótta sem flokkast undir að vera áhætta. Þótt snjóbrettaiðkun sé ekki ein þeirra er ljóst að hann mátti þetta ekki. Við höfum ekki ákveðið hvað við gerum í framhaldinu en þetta verður leyst innanhúss,” sagði Jackson.