Stækkun álvers kynnt í deiliskipulagi

Hafnarfjarðarbær stendur fyrir kynningarfundi í kvöld um deiliskipulag sem Hafnfirðingar munu kjósa um varðandi fyrirhugaða stækkun álversins í Straumsvík. Fulltrúar bæjarins og skipulagsaðila munu kynna deiliskipulagstillöguna og svara spurningum auk þess sem fyrirkomulag atkvæðagreiðslunnar verður kynnt.

Þetta er fyrsti fundurinn af fimm um málefnið, en á öðrum fundum verður fjallað um umhverfis- og mengunarmál, framtíð byggðar og samfélags- og efnahagsmál.

Nánari upplýsingar er að finna á vef Hafnarfjarðarbæjar en fundinum verður varpað beint á vefveitu Hafnarfjarðar.

Fundurinn í kvöld verður í Bæjarbíói og hefst klukkan 20.