Ný byggingavöruverslun

Ný 3600 fermetra byggingavöruverslun opnar í Reykjavík, í dag. Verslunin heitir Mest og er að Norðlingabraut 12 í Norðlingaholti. Mest á sér langa sögu í íslenskum byggingaiðnaði, fyrirtækið er runnið upp úr gömlu Steypustöðinni sem svo sameinaðist Merkur og svo aftur Súperbygg.

Afraksturinn má svo sjá að Norðlingabraut 12. Fullyrt er að þar sé hægt að fá allt sem þarf til þess að byggja hús, hvort sem það eru býsnin öll af steypu eða tappi í baðkar. Einnig er þar að finna þau áhöld sem þarf til að byggja fyrrnefnt hús.