Með setningu nýrrar reglugerðar er farið á bakvið hagsmunasamtök hreyfihamlaðra með afar ósmekklegum hætti. Þetta segir fulltrúi í Farartækjanefnd Sjálfsbjargar. Nýja reglugerðin gerir ráð fyrir að taka upp mat á því hvort bifreiðakaup hreyihamlaðra henti viðkomandi.
Með þessu telur Bergur Þorri Benjamínsson í farartækjanefnd að dómgreind styrkþega sé dregin í efa. Reglugerðin hafi ekki verið borin undir nefnd Sjálfsbjargar, landssambands fatlaðra, sem fjallar um þessi mál, né framkvæmdastjórn Sjálfsbjargar.
Bifreiðakaupastyrkir hreyfihamlaðra hafa rýrnað mikið. Engin hækkun hefur orðið á þeim í átta ár og er tími milli styrkveitinga mjög langur.
Í yfirlýsingu fré nefndinni mótmælir farartækjanefnd Sjálfsbjargar þessum vinnubrögðum heilbrigðisráðherra.
