Þessi íbúð er ekki nógu stór fyrir okkur bæði

Rússnesk kona borgaði fyrrverandi afbrotamanni fyrir að myrða 17 ára gamlan son sinn vegna þess að hún var þreytt á að deila eins herbergis íbúðarkytru með honum og kærustu hans. Sjálf átti konan kærasta þannig að þau voru fjögur í plássinu.

Konan er 42 ára gömul og kranastjóri. Rússneska blaðið Isvestía segir að samkomulagið á heimilinu hafi verið slæmt, og versnað enn þegar kærasta sonarins varð ófrísk. Það var þá sem hún ákvað að grípa til sinna ráða. Glæponinn fyrrverandi lét hinsvegar lögregluna vita, og konan var handtekin þegar hún greiddi tilvonandi morðingja fyrir verkið.