Ráðgert að koma upp 240 manna varaliði

Ríkislögreglustjóri leggur til að komið verði upp um 240 manna launuðu varaliði lögreglu og almannavarna. Með því yrði mannafli lögreglunnar í landinu um það bil þúsund manns. Björn Bjarnason dómsmálaráðherra greindi frá þessu á fundi Samtaka um vestræna samvinnu og Varðbergs í gær.

Björn benti á að við núverandi aðstæður í heiminum skiptu störf annarra stofnana en herja, æ meira máli við að tryggja öryggi borgaranna. Í því sambandi nenfdi hann lögreglu, tollgæslu og landamæravörslu. Borgaralegar stofnanir kæmu nú mun meira við sögu heimavarna en áður.