Icelandair áfrýjar úrskurði Samkeppniseftirlitsins

Icelandair hefur verið sektað um hundrað og níutíu milljónir króna, af Samkeppniseftirlitinu, fyrir að misnota markaðsráðandi stöðu sína.Það telur að flugfélagið hafi notað hagnað, af sölu á dýrari fargjöldum, til að niðurgreiða netfargjöld sem seld voru í samkeppni við Iceland Express. Icelandair hyggst áfrýja til áfrýjunarnefndar samkeppnismála.

Samkeppniseftirlið greindi frá ákvörðun sinni í dag og komst að þeirri niðurstöðu að Icelandair hafi misnotað markaðsráðandi stöðu sína í áætlunarflugi á flugleiðunum milli Keflavíkur og Kaupmannahafnar annars vegar og Keflavíkur og Lundúna hins vegar. Þetta er ekki í fyrsta sinn

Iceland

Brotið sem tekið var fyrir í dag átti sér stað árið 2004 þegar Icelandair bauð netfargjöld, svokallaða Netsmelli að upphæð 16.900 kr., í miklu magni til umræddra áfangastaða á verði sem ekki stóð undir kostnaði. Um er að ræða skaðlega undirverðlagningu í skilningi samkeppnislaga. Icelandair bauð umrædd ólögmæt netfargjöld u.þ.b. einu ári eftir að Iceland Express hóf áætlunarflug á milli umræddra áfangastaða í samkeppni við Icelandair. Þá á Icelandair að hafa notað hagnað vegna sölu á dýrari fargjöldum, til að greiða netfargjöld í samkeppni við Iceland Express. Guðjón Arngrímsson upplýsingafulltrúi Icelandair segir flugfélagið ósammála ákvörðun Samkeppniseftirlitsins. Hann segir að þá hafi Icelandair farið eftir fyrirmælum yfirvalda varðandi netsmellina og úrskurður Samkeppniseftirlitssins í dag sé þvert á það sem flugfélagið taldi rétt að gera. Hann segir alvarlegt að brjóta samkeppnislög tvö ár í röð ef rétt reynist en áfrýjunarnefnd skeri úr um það.