Sagði Steve Nash hafa verið handtekinn fyrir ölvunarakstur

Mike D´Antoni, þjálfari Phoenix, var mjög sáttur með sigurinn á Dallas í NBA deildinni í gær. Dagurinn endaði því á mun betri nótum en hann byrjaði, því eigandi liðsins lét hann hlaupa apríl.

Eigandinn hringdi þannig í þjálfarann snemma í gærmorgun og tilkynnti honum að Nash hefði verið handtekinn fyrir ölvunarakstur eftir að hann hefði snætt kvöldverð með vini sínum Dirk Nowitzki og sest undir stýri eftir að ahfa fengið sér of marga gráa með matnum. Þjálfarinn er sagður hafa brugðist hinn versti við, en fattaði svo skömmu síðar að um var að ræða aprílgabb.