Ferguson: Liðið spilaði frábæran fótbolta

Sir Alex Ferguson var mjög ánægður með sigurinn á AC Milan í kvöld og sagði sína menn hafa spilað frábæran fótbolta á tíðum í leiknum. Hann segir sína menn eiga góða möguleika á að fara í úrslitaleikinn.

"Við vorum seigir og héldum áfram að spila okkar bolta þrátt fyrir mótlætið. Við vorum að spila frábæra knattspyrnu á köflum í þessum leik og síðari hálfleikur var að öllu okkar. Þar náðum við tökum á leiknum og ég vissi að við ættum góða möguleika á að fara áfram eftir að við náðum að jafna. Sigurinn þýðir að við eigum góða möguleika á að fara áfram en leikurinn í Mílanó verður rosalegur. Þeir eru undir og vita af því - þetta verður gríðarlega erfitt," sagði Ferguson.