Ítalinn ungi há­grét eftir sögu­legan heims­meistara­titil

Sigur Antonelli, sem ekur fyrir Mercedes, er ákaflega sannfærandi því hann tryggði sér titilinn í Mexíkókappakstrinum í dag þrátt fyrir að enn séu fjórar keppnir eftir á árinu.

Hann komst á verðlaunapall í dag með því að ná þriðja sæti, á eftir Lewis Hamilton sem varð annar og Max Verstappen sem náði þriðja sæti.

Heyra mátti hljóðið í Antonelli þegar hann kom í mark en hann kom vart upp orði og heyrðist bara gráta enda tilfinningarnar miklar á þessari sögulegu stund. 

Lokin á keppninni, viðbrögð Antonelli og viðtal við hann má sjá í spilaranum hér að neðan.

Á undan Antonelli var Þjóðverjinn Sebastian Vettel sá yngsti í sögunni til að verða heimsmeistari, 23 ára gamall og 134 daga. Antonelli er 20 ára og 68 daga. Ítali hefur ekki orðið heimsmeistari síðan Alberto Ascari vann árið 1953 eða um miðja síðustu öld.

Keppnin í dag var æsispennandi og viðburðarík frá byrjun. Lewis Hamilton hafði náð ráspól í fyrsta sinn í þrjú ár og þrjá mánuði en missti forystuna strax í byrjun þegar liðsfélagi hans hjá Ferrari, Charles Leclerc, kom sér fram úr honum með vafasömum hætti. Max Verstappen nýtti um leið tækifærið og komst í 2. sæti en Hamilton fór niður í það þriðja.

Leclerc var svo refsað með fimm sekúndna refsingu en heyra mátti á Hamilton í talstöðinni að hann var brjálaður yfir framgöngu Leclerc. Hamilton taldi að hann ætti að gefa sætið sitt til baka eftir að hafa fengið að aka í drjúga stund með engan fyrir framan sig að trufla.

Stöðva þurfti svo keppni um tíma þegar Valtteri Bottas lenti í slysi á 44. hring. Finninn klessti út í vegg á nokkrum hraða eftir skyndilega bilun í fjöðrunarbúnaði.

Þegar keppni hófst að nýju var Verstappen fremstur, Leclerc annar og Hamilton þriðji en Antonelli í fjórða sætinu eftir að hafa verið kominn fram úr Hamilton.

Hamilton og Antonelli unnu sig svo fram úr Leclerc sem hafnaði í fjórða sætinu en Verstappen vann keppnina.

Antonelli er nú með 380 stig þegar fjórar keppnir eru eftir en mikil spenna er í baráttunni um næstu sæti í stigakeppni ökumanna. Verstappen er með 261 stig í 2. sæti, Hamilton með 249 stig, George Russell 250 stig og Leclerc 245 stig.