Viðskipti innlent

Svefnlyf frá Actavis á markað í Bandaríkjunum

Actavis hefur fengið samþykki bandarísku Matvæla og lyfjastofnunarinnar (FDA) fyrir skráningu á svefnlyfinu Zolpidem Tartrate á markað í Bandaríkjunum. Lyfið verður markaðssett í samvinnu við Carlsbad Technology, Inc., og hefst dreifing lyfsins nú þegar.

Í tilkynningu frá Actavis segir lyfið sé í töfluformi og fæst það í 5 og 10 mg töflum. Sala á frumheitalyfi Zolpidem Tartrate taflna í Bandaríkjunum nam um 2,2 milljörðum bandaríkjadala, 142 milljörðum króna, í fyrra og gerir Actavis ráð fyrir því að heildartekjur samstæðunnar á þessu ári nemi um 1,6 milljörðum evra, 140,8 milljörðum króna. Er því spáð að þriðjungur teknanna komi frá Bandaríkjunum.

Actavis í Bandaríkjunum lagði inn 38 skráningar (ANDA filings) til þarlendra yfirvalda á síðasta ári og gerir ráð fyrir að leggja inn 40-45 slíkar skráningar á þessu ári. Zolpidem er fimmta samheitalyfið sem Actavis setur á markað á árinu í Bandaríkjunum en alls er áætlað að sett verði á markað 18-20 ný lyf þar á árinu.

Fréttir Innlent Viðskipti


Mest lesið


Fleiri fréttir

Sjá meira


×

Mest lesið