Yfirtökutilboð gert í Reuters

Gengi bréfa í Reuters, einni stærstu fréttastofu í heimi, hækkaði um 24 prósent við opnun markaða í Lundúnum í Bretlandi í dag eftir að stjórn fyrirtækisins greindi frá því að henni hefði borist óformlegt yfirtökutilboð í félagið. Ekki liggur fyrir frá hverjum tilboðið er.

Netútgáfa breska dagblaðsins Guardian greinir frá því í dag að gengið hefði hefði hækkað um 117,5 pens á markaðnum og farið í 610 pens á hlut. Sé ástæðan óformlegt yfirtökutilboð sem hafði verið lagt fyrir stjórn Reuters af ónafngreindum þriðja aðila. Ekki liggur fyrir hvers sá aðili er en yfirtökukapphlaup um fréttastofur á borð við Reuters hefur legið í loftinu síðan stjórn útgáfufélagsins Dow Jones & Co., sem meðal annars rekur samnefnda fréttaveitu og gefur út bandaríska dagblaðið Wall Street Journal hafnaði yfirtökutilboði ástralska fjölmiðlamógúlsins Rupert Murdoch Dow í félagið.

Murdoch þykir horfa til þess að kaupa fréttaveitu sem þessa til að setja inn í viðskiptasjónvarpsstöð sem hann ætlar að setja á laggirnar á árinu.