Gerrard: Ég er í rusli

Steven Gerrard, fyrirliði Liverpool, sagði að tilfinningar sínar eftir tapið gegn Milan í úrslitaleik Meistaradeildarinnar í kvöld væru algjör andstæða þeirra sem hann upplifði þegar Liverpool lyfti bikarnum árið 2005.

"Þetta er algjör andstæða þess sem ég upplifði árið 2005," sagði Gerrard í samtali við Sky. "Svona er þetta stundum í fótboltanum, maður verður að taka við höggunum og halda áfram þó maður verði fyrir mótlæti - en ég verð að viðurkenna að ég er alveg í rusli núna. Mér fannst við byrja mun betur og við stýrðum hraðanum í leiknum. Þegar svoleiðis er verða menn auðvitað að nýta færin sín. Það var erfitt að lenda undir á svona marki og þó við gæfum allt sem við áttum - var þetta ekki okkar kvöld," sagði fyrirliðinn.