Mourning ætlar að spila eitt ár í viðbót

Miðherjinn Alonzo Mourning hjá Miami Heat í NBA deildinni hefur tilkynnt að hann ætli að spila eitt ár til viðbótar með liðinu. Mourning hafð legið undir feldi í allt sumar en sagði ljótt tap liðsins gegn Chicago í fyrstu umferð úrslitakeppninnar í vor vera helstu ástæðu þess að hann hafi ekki geta lagt skóna á hilluna.

"Ég vil að bæði ég og liðið fáum tækifæri til að bjarga andlitinu eftir þessa útreið sem við fengum í úrslitakeppninni. Þetta var ekki sama lið og vann titilinn árið áður og við skömmuðumst okkar allir. Ég veit að við getum miklu betur og við erum allir með súrt bragð í munninum. Við viljum umfram allt bæta fyrir þetta á næsta tímabili," sagði Mourning, sem er nýrnaþegi síðan árið 2003.