Galdrasúpa og grillaðar pulsur fyrir aðdáendur Harry Potter

Stemmningin fer vaxandi í biðröðinni fyrir utan Bókabúð Máls og menningar við Laugaveg. Þar bíður fjöldi ungmenna eftir því að fá síðustu Harry Potter bókina í hendur. Sala hefst á slaginu 23:01.

Starfsfólk búðarinnar hefur í dag boðið upp á galdrasúpu fyrir krakka og dagskráin heldur síðan áfram allt þar til salan hefst. Meðal annars mætir spákona á staðinn, fjöllistamaður stígur á stokk, spurningakeppni fer fram og boðið verður upp á galdradrykk og grillaðar pulsur. Auk þess munu hljómsveitir stytta aðdáendum galdrastráksins stundir.