Fylgst með eftirvögnum bíla

Ökumaður með óskoðaðan eftirvagn án hemlunarbúnaðar var stöðvaður á höfuðborgarsvæðinu í gær. Þyngd vagnsins var einnig umfram dráttargetu bílsins sem maðurinn var á og var kerran kyrrsett.

Lögreglan á höfuðborgarsvæðinu fylgist með því að búnaður vegna eftirvagna sé í lagi og á það ekki síst við um tjaldvagna, fellihýsi og hjólhýsi.

Lögregla mun halda eftirliti með eftirvögnum áfarm og mega ökumenn búast við afskiptum hennar vegna þeirra. Til að forðast óþægindi er best að yfirfara búnaðinn áður en lagt er af stað. Algengar athugasemdir sem lögreglumenn hafa gert er við ljósabúnað, spegla og tengibúnað.