B-riðill: Di Natale hetja Ítalíu

Antonio Di Natale var hetja ítalska landsliðsins sem vann 2-1 sigur á Úkraínu í kvöld. Hann skoraði bæði mörk liðsins en með sigrinum komst Ítalíu upp í annað sæti síns riðils eftir óvæntan sigur Skotlands á Frakklandi.

Roberto Donadoni gerði fimm breytingar á byrjunarliði sínu frá leiknum gegn Frakklandi um helgina. Fimm mínútum fyrir leikhlé skoraði Di Natale fyrra mark sitt. Andriy Shevchenko jafnaði á 72. mínútu en fjórum mínútum síðar kom sigurmarkið.

Þetta var gríðarlega mikilvægur sigur fyrir Ítalíu en Donadoni hefur mátt sæta harðri gagnrýni fjölmiðla eftir leikinn gegn Frökkum sem endaði 0-0.

Frakkar féllu niður í þriðja sæti eftir óvænt tap gegn Skotlandi á heimavelli sínum. James McFadden skoraði eina mark leiksins á 64. mínútu.

Úrslit kvöldsins í B-riðli:

Litháen - Færeyjar 2-1

Úkraína - Ítalía 1-2

Frakkland - Skotland 0-1

Staðan: (Leikir) - Stig

1. Skotland (9) - 21

2. Ítalía (9) - 20

3. Frakkland (9) - 19

4. Úkraína (8) - 13

5. Litháen (9) - 10

6. Georgía (9) - 7

7. Færeyjar (9) - 0