Spilaði fullur allan ferilinn

Framherjinn Keon Clark sem lagði skóna á hilluna í NBA fyrir nokkrum árum, viðurkenndi í viðtali á dögunum að hann hefði ekki spilað einn einasta leik í deildinni alsgáður.

Clark hefur komist í kast við lögin vegna ölvunaraksturs og eiturlyfjaneyslu síðan hann hætti að spila slapp við tveggja og hálfs árs dóm fyrir nokkrum dögum þegar dómari skipaði að mál hans yrði tekið fyrir aftur.

"Því miður spilaði ég ekki einn einasta leik edrú í NBA, ég gat bara ekki hætt að drekka," sagði hinn hávaxni Clark sem spilaði m.a. með Toronto og Sacramento. Hann segist hafa drukkið hálfan til heilan lítra af gini á hverjum einasta degi og að stundum hafi hann fengið sér hressingu í hálfleik þegar hann var að keppa.