Cleveland setti félagsmet

Þrettán leikir fóru fram í NBA deildinni í körfubolta í nótt. Cleveland vann áttunda heimaleikinn í röð með sigri á Oklahoma City 117-82 og hefur aldrei byrjað betur í sögu félagsins.

Cleveland hefur unnið 12 af fyrstu 15 leikjum sínum í vetur og var sigurinn í nótt svo auðveldur að LeBron James spilaði aðeins 17 mínútur í leiknum. Hann hefur aðeins einu sinni spilað svo fáar mínútur í deildarleik, en það var árið 2004 og vegna meiðsla.

Zydrunas Ilgauskas skoraði 17 stig fyrir Cleveland í nótt og komust allir 12 leikmenn liðsins á blað annan leikinn í röð. Chris Wilcox var stigahæstur hjá Oklahoma með 14 stig, en liðið hefur tapað 15 af 16 leikjum sínum.

Chris Bosh skoraði 39 stig og hirti 11 fráköst í 93-86 sigri Toronto á Charlotte.

Boston lagði Golden State 119-111 með 25 stigum frá Ray Allen.

Orlando skellti Philadelphia 96-94 á útivelli þar sem Dwight Howard skoraði 21 stig og hirti 14 fráköst fyrir Orlando.

Phoenix vann Minnesota 110-102 með 20 stigum frá Steve Nash. Al Jefferson skoraði 28 stig og hirti 17 fráköst hjá Minnesota sem hefur tapað 8 af 10 síðustu leikjum sínum.

Indiana skellti Houston á útivelli 91-90 þar sem karfa Danny granger í blálokin tryggði gestunum sigur.

San Antonio vann sjötta sigurinn í sjö leikjum með því að leggja Chicago heima 98-88 og Portland valtaði yfir Miami 106-68.

Úrslit næturinnar:

Sacramento Kings    114-116    New Jersey Nets

________________________________________

Philadelphia 76ers    94-96    Orlando Magic

________________________________________

Boston Celtics    119-111    Golden State Warriors

________________________________________

Toronto Raptors    93-86    Charlotte Bobcats

________________________________________

Atlanta Hawks    102-96    Milwaukee Bucks

________________________________________

Detroit Pistons    110-96    New York Knicks

________________________________________

Utah Jazz    117-100    Memphis Grizzlies

________________________________________

Cleveland Cavaliers    117-82    Oklahoma City

________________________________________

Minnesota Timberwolves    102-110    Phoenix Suns

________________________________________

San Antonio Spurs    98-88    Chicago Bulls

________________________________________

Houston Rockets    90-91    Indiana Pacers

________________________________________

LA Clippers    105-106    Denver Nuggets

________________________________________

Portland Trail Blazers    106-68    Miami Heat