Hagvaxtarskeiði í Bretlandi lokið

Hagkerfið stóð í stað í Bretlandi á milli mánaða í apríl og júní, samkvæmt upplýsingum hagstofunnar þar í landi. Þetta er nokkuð undir væntingum enda höfðu sérfræðingar spáð í það minnsta 0,2 prósenta hagvexti.

Vísitala framleiðslu jókst engu að síður um 0,2 prósent á milli fjórðunganna og framleiðsluvísitalan um 0,8 prósent. Einkaneysla dróst saman um 0,1 prósent á sama tíma. Hagvöxtur mældist 1,4 prósent á sama tíma fyrir ári.

Þar með er lokið samfelldu hagvaxtarskeiði í Bretlandi síðastliðna 63 ársfjórðunga í röð, að sögn breska ríkisútvarpsins (BBC).

BBC hefur eftir hagfræðingi hjá Deutsche Bank í Bretlandi, að tölurnar sýni að breska hagkerfið sé veikt og sýni samdráttarmerki.