Blender gerir upp árið

Plata rapparans Lil" Wayne, Tha Carter III, hefur verið kjörin plata ársins af bandaríska tónlistartímaritinu Blender. Listar yfir plötur ársins fara smám saman að birtast og ríður Blender á vaðið með þessum nýja lista.

Í öðru sæti lenti Girl Talk með plötuna Feed the Animals og í því þriðja varð TV on the Radio með Dear Science. Rokkararnir í Metallica voru síðan næstir á blaði með Death Magnetic og í fimmta sæti varð Hot Chip með stuðplötuna Made in the Dark. Á meðal annarra á topp tíu voru Of Montreal, Vampire Weekend og Fall Out Boy.