Haukastúlkur voru 30-3 yfir í hálfleik

Leikið var í Eimskips-bikarnum í handbolta í kvöld. Þrír leikir fóru fram í karlaflokki og jafnmargir í kvennaflokki.

Ágúst Þór Jónsson stýrði Gróttu til sigurs gegn b-liði félagsins 39-23 í karlaflokki. Ágúst leikur venjulega með Gróttu-2 en ákvað að láta það duga að stýra aðalliði Gróttu í þessum leik.

Stjarnan-2 vann Þrótt 34-28 og þá tapaði ÍR fyrir Haukum 24-32 í Austurberginu. Einar Örn Jónsson átti stórleik fyrir Hauka og skoraði 12 mörk.

Í kvennaflokki unnu Haukastúlkur stórsigur á ÍR 52-14 eftir að staðan hafði verið 30-3 í leikhléi! FH sigraði Víking 35-16 og þá vann Grótta lið Vals-2 með 36 mörkum gegn 24.