Vilja kæra móður Maddíar fyrir vanrækslu

Portúgalska lögreglan íhugar að kæra Kate MacCann, móður Madeleine litlu fyrir vanrækslu. Hún ætti þá yfir höfði sér allt að tíu ára fangelsi. Vanrækslan felst í því að hafa skilið börn sín þrjú eftir ein á hótelherbergi meðan hún borðaði kvöldverð með eiginmanni sínum og vinum.

Samkvæmt porútölskum lögum er hægt að fangelsa foreldra sína ef þeir stofna börnum sínum í hættu með vanrækslu.

Þessar fréttir hafa vakið mikla reiði í Bretlandi. Margir sérfræðingar hafa tjáð sig við blaðið The People og sagt að portúgalska lögreglan vilji með þessu reyna að réttlæta allan þann tíma sem hún eyddi í að rannsaka foreldrana og kenna þeim um hvarfið án nokkurs árangurs.