Disney-risinn siglir gegnum niðursveifluna

Hagnaður Disney-risans var umfram væntingar á fyrsta ársfjórðungi, sem lauk í enda janúar samkvæmt bókum afþreyingafyrirtækisins. Það skrifast á góða sölu á DVD-myndum á borð við „High School Musical" og fjölgun gesta í Disneyland- og Disneyworldgarðana.

Hagnaður fyrirtækisins nam 1,25 milljörðum bandaríkjadala, jafnvirði 81 milljarðs íslenskra króna. Það jafngildir því að hagnaður á hlut hafi numið 63 sentum samanborið við 52 sent líkt og spár fjármálasérfræðinga hljóðaði upp á, að sögn Bloomberg-fréttaveitunnar. Þá námu tekjur 10,5 milljörðum dala á tímabilinu, sem er 9,1 prósents hækkun frá sama tíma í fyrra. Þetta er engu að síður 26 prósenta minni hagnaður en á sama tíma í fyrra.

Robert Iger, forstjóri Disney, sem er annað stærsta afþreyingafyrirtæki Bandaríkjanna, segir sömuleiðis í samtali við Bloomberg, að afkoman skýrist sömuleiðis af sterku gengi evru Bandaríkjadal. Hann er hæstánægður með afkomuna og segist fullviss um að fyrirtækið muni koma vel út úr þeirri niðursveiflu sem spáð hafi verið í Bandaríkjunum.