Ísferð Hleb veldur misskilningi

Arsene Wenger er afar ósáttur við að Alexander Hleb og umboðsmaður hans hafi yfirgefið hótel félagsins í Mílanó á dögunum.

Orðrómur hefur verið á kreiki að Hleb og umboðsmaður hans hafi yfirgefið hótelið sem Arsenal dvaldi á í kringum leikinn við AC Milan í Meistaradeildinni í þeim tilgangi að ræða við forráðamenn Inter.

Samstarfsfélagi téðs umboðsmanns segir hins vegar að um misskilning hafi verið að ræða.

„Þeir fóru og fengu sér ís. Okkur þykir fyrir því að Hr. Wenger hafi tekið illa í það því okkar samband við hann hefur alltaf verið gott," sagði hann í samtali við The Guardian.