Arshavin ekki nógu góður fyrir Mourinho

Jose Mourinho, knattspyrnustjóri Inter á Ítalíu, segist ekki hafa í hyggju að bjóða í rússneska framherjann Andrei Arshavin. Hann segist draga í efa að leikmaðurinn hafi nægan þroska til að spila með liði á heimsklassa.

Arshavin þessi hefur verið orðaður við nokkur af toppliðunum á Englandi og þótti standa sig vel með spútnikliði Rússa á EM.

"Arshavin er góður leikmaður, en er hann nógu þroskaður til að spila í sterkustu deildunum? Hann sýndi góða takta á móti Svíum og Hollendingum á EM, en hann var dapur á móti Spánverjum. Við hjá Inter erum að leita að leikmönnum sem geta skilað góðum leik í hverjum einasta leik, ekki bara bara tvo til fimm leiki í röð," sagði Mourinho í samtali við Daily Mail.