Capello hefur trú á Inter í Meistaradeildinni

Þó svo Fabio Capello þjálfi enska landsliðið þá fylgist hann engu að síður grannt með því sem er að gerast í ítalska boltanum.

Hann hefur ekki trú á því að Juventus og AC Milan geti veitt Inter samkeppni í deildinni í vetur.

„Inter er sterkasta liðið í deildinni rétt eins og í fyrra. Liðið verður sterkara á hverju ári. Þeir eru að stinga önnur ítölsk lið af og það er undir forsetum Juve og Milan að gera eitthvað til að ná Inter," sagði Capello sem býst við því að Inter muni veita ensku liðunum samkeppni í Meistaradeildinni.

„Það verður enskt lið í úrslitum Meistaradeildarinnar en Inter mun geta veitt ensku liðunum keppni. Þetta verður áhugavert og skemmtilegt."