Garnett spilar ekki fyrr en í úrslitakeppninni

Framherjinn og atmennið Kevin Garnett hjá Boston Celtics í NBA deildinni mun ekki koma við sögu í síðustu tveimur leikjum liðsins í deildarkeppninni.

Doc Rivers þjálfari hefur ákveðið að hvíla hann alveg fram í úrslitakeppni, en varnarmaður ársins í fyrra hefur misst úr 21 af síðustu 25 leikjum Boston vegna hnémeiðsla.

Þetta er í fyrsta sinn á ferlinum sem Garnett verður fyrir alvarlegum meiðslum, en Boston hefur að litlu að keppa í síðustu tveimur leikjunum og því var ákveðið að taka ekki áhættu með að láta Garnett spila.