Breiðablik tryggði sér Evrópusætið

Síðustu fjórir leikirnir í Pepsi-deild kvenna fóru fram í dag. Breiðablik náði að halda sér í öðru sæti deildarinnar með öruggum 6-0 sigri á GRV á heimavelli í dag. Þar með tryggðu Blikar sér þátttökurétt í Meistaradeild Evrópu á næstu leiktíð en í fyrsta sinn fá nú tvö íslensk lið þátttökurétt í keppninni.

Breiðablik, Þór/KA og Stjarnan voru öll jöfn að stigum í 2.-4. sæti deildarinnar fyrir leiki dagsins.

Breiðablik var með besta markahlutfallið en liðið hafði 37 mörk í plús en Þór/KA 36. Stjarnan var svo með 27 mörk í plús.

Í hálfleik var útlit fyrir að Þór/KA myndi hirða annað sætið af Blikum þar sem liðið var með 3-1 forystu gegn KR í vesturbænum. Breiðablik var 1-0 yfir gegn GRV í hálfleik.

Blikar komu hins vegar afar grimmir til leiks í síðari hálfleik og var um algera einstefnu að ræða að marki gestanna. Blikar skoruðu sex mörk í síðari hálfleik á meðan að KR náði að minnka muninn gegn Þór/KA. Þeim leik lauk með 3-2 sigri Þór/KA.

Stjarnan vann einnig 7-0 sigur í sínum leik en liðið mætti Keflavík á útivelli. Það dugði þó ekki til að ná Þór/KA og Stjarnan því áfram í fjórða sæti deildarinnar og Þór/KA í þriðja.

Þetta er þó besti árangur Þór/KA í efstu deild frá upphafi.

Úrslit dagsins:

Keflavík - Stjarnan 0-7

0-1 Björk Gunnarsdóttir, víti (22.)

0-2 Karen Sturludóttir (45.)

0-3 Anika Laufey Baldursdóttir, víti (61.)

0-4 Gunnildur Yrsa Jónsdóttir (63.)

0-5 Björk Gunnarsdóttir (68.)

0-6 Karen Sturludóttir (73.)

0-7 Anika Laufey Baldursdóttir (89.)

KR - Þór/KA 2-3

0-1 Vesna Smiljkovic (8.)

0-2 Mateja Zver (21.)

0-3 Bojana Besic (32.)

1-3 Ólöf Gerður Ísberg (45.)

2-3 Sonja Björk Jóhannsdóttir (83.)

Stjarnan - Breiðablik 0-7

0-1 Jóna Kristín Hauksdóttir (28.)

0-2 Jóna Kristín Hauksdóttir (48.)

0-3 Fanndís Friðriksdóttir (56.)

0-4 Sara Björk Gunnarsdóttir (61.)

0-5 Berglind Björg Þorvaldsdóttir (81.)

0-6 Berglind Björg Þorvaldsdóttir (83.)

0-7 Berglind Björg Þorvaldsdóttir (90.)

Fylkir - ÍR 7-0

Anna Björg Björnsdóttir 2 mörk

Anna Sigurðardóttir 2 mörk

Laufey Björnsdóttir 1 mark

Rut Kristjánsdóttir 1 mark

Hanna María Jóhannsdóttir 1 mark