Gallas frá út tímabilið?

Svo gæti farið að tímabilinu sé lokið hjá William Gallas, leikmanni Arsenal, sem meiddist í leiknum gegn Villarreal í Meistaradeild Evrópu í kvöld.

Gallas meiddist eftir samstuð við Giuseppe Rossi eftir að Alex Song braut á þeim síðarnefnda. Rossi klemmdi fót Gallas undir sér.

Arsene Wenger, stjóri Arsenal, sagði eftir leik að Gallas hafi skaddað liðbönd í hné.

„Fyrstu niðurstöðurnar virðast ekki sérstaklega jákvæðar en við vitum meira á morgun," sagði hann.

Manuel Almuna meiddist einnig í leiknum og varð að fara af velli, líka eftir samstuði við Rossi. Hann er einnig tæpur fyrir síðari leik Arsenal og Villarreal í næstu viku.

„Þetta er nú í annað skipti sem hann snýr upp á ökklann sinn og það ætti að þýða þriggja vikna fjarveru," sagði Wenger.