Umfjöllun: Meistaravon KR lifir eftir sigur á Blikum

KR-ingar minnkuðu forskot FH-inga aftur í fimm stig eftir að liðið vann 2-0 sigur á Breiðabliki í Kópavogsvellinum í 20. umferð Pespi-deildar karla í dag. Gunnar Örn Jónsson og Grétar Sigfinnur Sigurðarson skoruðu mörk KR-liðsins. Allt annað en KR-sigur hefði gert FH að Íslandsmeisturum.

KR-ingar byrjuðu vel og fengu fyrstu færin í leiknum. Baldur Sigurðsson hefði getað skorað tvö skallamark á fyrstu fjórtán mínútunum, fyrst bjargaði Guðmann Þórisson á marklínu og svo varði Ingvar Þór Kale frá honum. Óskar Örn Hauksson hefði auðveldlega geta nýtt frákastið úr markteignum en skaut framhjá.

KR-ingar þurftu að gera breytingu eftir aðeins 20 mínútna leik þegar Atli Jóhannsson fór af velli eftir að hafa fengið putta í augað og það tók KR-liðið dágóðan tíma að finna taktinn á nýjan leik. Blikar komust við þetta meira inn í leikinn og bakvörðurinn Kristinn Jónsson var mjög ógnandi á þessum kafla.

Kristinn var arkitektinn að bak við tveimur dauðafærum Blikum á tveimur mínútum, fyrst átti hann sendingu inn á Andra Rafn Yeoman, sem lét Andre Hansen verja frá sér og svo slapp hann sjálfur í gegn en skaut framhjá úr þröngu færi.

KR-ingar fóru að braggast eftir þetta og varamaður Atla, Guðmundur Benediktsson, komst betur inn í leik liðsins. Það var síðan Gunnar Örn Jónsson sem skoraði glæsilegt mark á móti sínum gömlu félögum fimm mínútum fyrir hálfleik. Gunnar fékk þá boltann frá Björgólfi Takefusa og átti flott skot utan teigs sem fór af varnarmanni og upp í fjærhornið.

Blikar fóru strax í stórsókn og Kristinn Steindórsson átti skot sem fór í utanverð fjærskeytin. Þeir höfðu ekki heppnina með sér þar frekar en í öðrum góðum færum sínum í fyrri hálfleiknum.

Það tók Blikar aðeins 20 sekúndur að komast í dauðafæri í seinni hálfleik en Andre Hansen, markvörður KR, varði þá frábærlega frá Elfari Frey Helgasyni úr algjöru dauðafæri. Í kjölfarið náðu Blikar góðri pressu en náðu þó ekki að nýta sér það og jafna leikinn.

KR-ingar biðu áttekta og spiluðu skynsamlega úr stöðunni enda 1-0 yfir og í góðum málum. Þeir sköpuðu mesta hættu eftir föst leikatriði og í kjölfarið á aukaspyrnu Bjarna Guðjónssonar skoraði Grétar Sigfinnur Sigurðarson með góðum skalla eftir að hafa fengið fyrirgjöf frá Óskari Erni Haukssyni.

Eftir seinna mark KR-ingar áttu KR-ingar sigurinn vísann. Blikar gáfu mikið eftir og misstu augljósa trúnna á því að þeir gætu náð einhverju út úr leiknum. Blikar skoruðu reyndar mark eftir horn en skallamark fyrirliðans Kára Ársælssonar var dæmt af vegna rangstöðu.

KR-ingar fögnuðu síðan góðum sigri og sáu til þess að misstu ekki af tveimur bikurum í sömu vikunni. KR á reyndar ekki mikla möguleika á Íslandsmeistaratitlinum en þeir hafa sett ágæta pressu á FH-inga með að vinna síðustu fjóra leiki sína í deildinni.

KR gat þakkað norska markverði sínum Andre Hansen að þeir lentu ekki undir fyrri hluta leiksins en þegar á leið sýndu Vesturbæingar styrk sinn og tryggðu sér sanngjarnan sigur.

Breiðablik-KR 0-2

0-1 Gunnar Örn Jónsson (40.)

0-2 Grétar Sigfinnur Sigurðsson (66.)

Kópavogsvöllur. Áhorfendur: 951

Dómari: Einar Örn Daníelsson (6)

Skot (á mark): 9-18 (6-9)

Varin skot: Ingvar 5 - Hansen 5.

Horn: 4-6

Aukaspyrnur fengnar: 14-10

Rangstöður: 1-2

Breiðablik (4-5-1):

Ingvar Þór Kale 6

Árni Kristinn Gunnarsson 5

Guðmann Þórisson 5

Kári Ársælsson 5

Kristinn Jónsson 6

Olgeir Sigurgeirsson 4

(63., Haukur Baldvinsson 4)

Finnur Orri Margeirsson 6

Guðmundur Kristjánsson 5

Andri Rafn Yeoman 7

Kristinn Steindórsson 6

(78., Evan Schwartz -)

Elfar Freyr Helgason 6

(88., Aron Már Smárason -)

KR (4-3-3):

Andre Hansen 7

Skúli Jón Friðgeirsson 5

Grétar Sigfinnur Sigurðsson 6

Mark Rutgers 5

Jordao Diogo 6

Bjarni Guðjónsson 6

Baldur Sigurðsson 7 - Maður leiksins -

Atli Jóhannsson -

(22., Guðmundur Benediktsson 6)

Óskar Örn Hauksson 6

(86., Gunnar Kristjánsson -)

Björgólfur Takefusa 5

Gunnar Örn Jónsson 6

(84., Guðmundur Reynir Gunnarsson)