Cesar framlengir við Inter til ársins 2014

Brasilíski markvörðurinn Julio Cesar hefur framlengt samning sinn við Ítalíumeistara Inter til ársins 2014.

Markvörðurinn bindur þar með enda á orðróma þess efnis að hann kynni að fara til Englandsmeistara Manchester United en hann var sterklega orðaður við enska félagið í sumar.

„Ég hef unnið helling af titlum með Inter og ég vill vinna enn fleiri. Ég stefni á að ná enn lengra með Inter en ég hef þegar gert og hef sett mér ný markmið með það í huga. Ég er annars mjög þakklátur félaginu og forseta þess Massimo Moratti," segir Cesar í viðtali á opinberri heimasíðu Inter.